Veer gaon digitaal insjrieve via dit kenaal : https://forms.office.com/r/SWK4FrpDnU
Veer kriege eur insjrieving in ós besjtandj es geer de bevestiging nao ós versjuurt.
Daonao kieke veer of eur insjrieving klop en es alles good is, dan ontvangk geer van ós ein bevestiging mit de insjrieving en zal eur optochnómmer waere gerizzerveerd.
Geer deent eur nómmer dan op te kómme haole op ein van de volgende daag:
29, 30 of 31 Jannewarie 2024 tösse 19.00 oer en 21.00 oer in kefee Willems, Godsweerdersingel 58, 6041 GM Remunj.
Geer krieg van ós ‘t reglement en ein optochnómmer, det nómmer mót geer duudelik zichbaar drage op ein bordje, of oppe rögk of örges angers wó-se good te zeen zeen. Want, det nómmer kump trök in ’t optochbeukske diej langs de route waere oetgedeilt aan de miense langs de kantj. Det nómmer is ouch van belang veur de zjuurie, die langs de route sjteit en edere deilnaemer mit punte be-oordeilt, want in de Remunjse Optoch kint geer sjoon prieze winne. De Optoch is verdeilt in 5 kategorieje, namelik Wages, Grote Groepe 7 en meer persone, Klein Groepe 3 toet 6 persone, Duo’s en Einzelgengers. D’r zeen priese veur de beste 3 van edere kategorie. De zjuurie be-oordeilt op veursjtelling, oetveuring en orsjienalieteit en euver de oetsjlaag velt neet te diskusjeere.
