Insjrieving kint neet via e-mail of sociale-media

Op twee aovende, dit jaor op 18 en 19 fibberwarie 2019 edere keer van 19.00 toet 21.00 oer haet de Sjtichting zitting in Kefee Willems, oppe Godsweerdersingel. Dao kint geer Uch dan aanmelje en waerd eur deilname vasgelag in de kompjoeter. Geer krieg van ós de riggelemente en ein bevestiging van eur insjrieve mit ein insjriefnómmer, det nómmer mót geer duudelik zichbaar waere draage op ein bordje, of oppe rögk of örges angers wó-se good te zeen zeen. Want, det nómmer kump trök in ’t optochbeukske diej langs de route waere oetgedeilt aan de miense langs de kantj. Det nómmer is ouch van belang veur de zjuurie, die langs de route sjteit en edere deilnaemer mit punte be-oordeilt, want in de Remunjse Optoch kint geer sjoon prieze winne. De Optoch is verdeilt in 5 kategorieje, namelik Wages, Grote Groepe, Klein Groepe, Duo’s en Einzelgengers. D’r zeen priese veur de beste 3 van edere kategorie. De zjuurie be-oordeilt op veursjtelling, oetveuring en orsjienalieteit en euver de oetsjlaag velt neet te diskusjeere.