Optochkroeg van 't Jaor 2006

“Vastelaovend 2006 dao zoot meziek in”.

De Verleiding aan de Roerkade
‘Optochkroeg van ’t jaor 2006’

’t Is inmiddels al ein tradisie gewaore op de Aswoonsdaag es s’aoves euveral de heringe waere gesjelt, ’t oetreike van de bokaal veur de Optochkroeg van ’t jaor. Alle kasteleins naeve de Optochroute van maondaag kieke dan vanaaf ein oer of ach benuujt op, eeders keer es de veurdeur aope geit. Rondj dae tied bezeuke de leeje van de Stichting Vastelaovesoptoch Remunj dan namelik de winnende kefee om de bokaal en de oorkonde, beheurend biej de titel Optochkroeg van ’t jaor, oet te reike. De dillegasie, besjtaonde oet Paul Schlicher, Hein Jambroers, Ben Brouns en Rob van Deurzen, brach aafgeloupe jaor ’t good nuujts biej “De Verleiding” aan de Roerkade. De kefee van Harrie en Daniëlle moog zich toet kómmende goonsdaag namelik ‘Optochkroeg van ’t jaor’ neume. Deze eretietel waerd sins zeve jaor toegekint aan ’t horeka-etablissement langs de optochroete det de vastelaovessfeer in alle fasette ’t bes wit te bringe. Waem dit ’t beste duit weard bepaold door de optochdeilnaemers, ein reprissentatief aantal deilnaemers waert namelik aan ’t inj van de optoch gevraog nao heur meining.
De door de Sjtichting Vastelaovesoptoch Remunj in ’t laeve gerope publiekspries, besjtaonde oet eine wisselbaeker en ein handjgesjilderd sertifikaat, waerd ouch dit jaor toegekind. Dus ongernaemers, maak d’r get vanne!

Harrie en Daniëlle ontvange de baeker en ‘t sertifikaat oet henj van de veurzitter van de Sjtichting Vastelaovesoptoch Remunj, Hein Jambroers

Optochkroeg:

2009

2008

2007

2006

2005